Байгууллагын эрүүл ажилтан — ажлын байрны хөдөлгөөн

Яагаад энэ төсөл вэ?

Оффисын ажилтнууд өдрийн ихэнх цагийг сууж өнгөрүүлдэг. Удаан суух, хөдөлгөөний хомсдол нь нуруу, хүзүүний өвдөлт, жин нэмэх, даралт ихсэх, стресстэй холбоотой бөгөөд эцэстээ өвчний чөлөө, бүтээмжийн бууралтаар байгууллагад зардал учруулдаг.

Ажлын байранд хөдөлгөөн хийх боломж бүрдүүлэх нь ажилтны эрүүл мэнд, багийн уур амьсгалд тустай. Гэвч ийм хөрөнгө оруулалтын өгөөжийг Монголын байгууллагууд тоогоор хэмжиж үзсэн нь ховор. Энэ төсөл тэр нотолгоог бүрдүүлэх зорилготой.

Юу хийх вэ?

• Цэг байгуулах: оролцогч байгууллага бүрт ширээний теннисний ширээ, тоног төхөөрөмж байрлуулна.
• Хөтөлбөр: өдрийн завсарлагаанд богино тоглолт, сар бүрийн дотоод тэмцээн, ажилтнуудын эрүүл мэндийн богино сургалт.
• Хэмжилт: хөтөлбөрийн эхэн ба 6 сарын дараа ажилтны даралт, биеийн жингийн индекс, хөдөлгөөний идэвх, стресс ба ажлын сэтгэл ханамжийн асуумж; байгууллагын өвчний чөлөөний өдөр (нэгтгэсэн, нэргүйжүүлсэн).
• Өгөөжийн тооцоо: тоног төхөөрөмж, цаг хугацааны зардлыг өвчний чөлөө, бүтээмжийн өөрчлөлттэй харьцуулна.

Хүлээгдэж буй үр дүн

• Оролцогч байгууллага бүрт тусгайлсан эрүүл мэнд, өгөөжийн тайлан.
• Ажлын байрны хөдөлгөөний хөтөлбөрийн загвар, зардал-үр ашгийн нэгдсэн дүн.
• Ажил олгогчдод зориулсан зөвлөмж — татварын хөнгөлөлт, эрүүл мэндийн даатгалын урамшууллын бодлогын санал.

Хамтран ажиллах

Ажилтнуудынхаа эрүүл мэндэд хөрөнгө оруулахыг хүсэж буй компани, төрийн байгууллагуудыг урьж байна. МЭЗЭМ ТББ хэмжилт, шинжилгээ, тайланг хариуцаж, ширээний теннисний клубтэй хамтран хөтөлбөрийг хэрэгжүүлнэ.